• Басты
  • Қазақстан «Doing Business» рейтингінде Қытай, Түркия, Ресей елдерін қайта басып озды
22 Қаңтар, 2013 00:00

Қазақстан «Doing Business» рейтингінде Қытай, Түркия, Ресей елдерін қайта басып озды

Қазақстан соңғы жылдары бизнес жүргізуді елеулі жақсартқан елдердің тізіміне енді. Бұл туралы бүгін Үкімет отырысында Экономика және бюджетті жоспарлау министрі Ерболат Досаев мәлім етті.
Қазақстан «Doing Business» рейтингінде Қытай, Түркия, Ресей елдерін қайта басып озды | Strategy2050.kz

«Үкіметтің  бизнес климатты жақсарту бойынша жұмысының көрсеткіштерінің бірі Дүниежүзілік банктің «Doing Business» рейтингіндегі орны болып табылады.  Оның ішінде, 2012 жылы Қазақстан 185 елдің тізімінде 49-шы орынды иеленді»,-деді ол.

Министрдің атап өтуінше, 2013 жылдан бастап жыл сайын бекітілетін рейтингте Қазақстанның ұстанымын жақсарту жөніндегі барлық реформалар мен іс-шаралар Дүниежүзілік банктің «Doing Business» рейтингісінің индикаторларын жақсарту жөніндегі шаралардың кешенді жоспарларына сәйкес жүргізіледі.

"Жыл сайын өзгеріп отыратын есептеу әдістемесі бойынша Қазақстан осы жылы Қытайды (91-орын), Түркияны (71-орын), Польшаны (55-орын), Ресейді (112-орын), Беларусьты (58-орын), Қырғызстанды (70-орын) басып озып,  49-ыншы орынға көтерілді", - деді министр.

Бұдан басқа, биылғы жылы Қазақстан соңғы жылдары бизнесті жүргізуді елеулі түрде жақсартқан елдердің тізіміне енді.

«Кәсіпорындарды тіркеу» сияқты индикатор бойынша Қазақстан 30 ұстанымға (55-тен 25-ке) көтерілген, бұған кәсіпорын құру рәсімдерін жеңілдету және тіркелгеннен кейінгі үш ай ішінде ең аз капитал төлеу туралы талаптың жойылуы ықпал етті.

 «Төлем қабілетсіздігіне рұқсат» индикаторы бойынша (55 орын) оңалту ісін жеделдетіп қарауды енгізу, оңалту мерзімін ұзарту, төрелік басқарушылардың өкілеттіктерін кеңейту және оларға қойылатын біліктілік талаптарын арттыру бойынша реформалар жүргізілді. Сондай-ақ, банкротқа ұшырау, кредиторлар құқықтарын кеңейту, операцияларды жалғастырумен байланысты ережелерді өзгерту, оңалту жоспарын қабылдау үшін мерзімді енгізу және сот қадағалауының талаптарын қосу жөнінде деректерді  ұсыну талаптары өзгертілді.

«Кредит алу» индикаторы бойынша Қазақстан ұстанымының едәуір ұлғайғаны байқалуда (97-ден 83-ке). Автоматты түрде оңалту рәсімдерінде болудан босату үшін жаңа негіздемелер енгізу есебінен қамтамасыз етілген кредиторлардың құқықтары нығайтылды.

2013 жылға арналған жұмыс шеңберінде «Халықаралық сауда» индикаторы бойынша сыртқы сауда саласында экспорттық-импорттық операциялар кезінде бірыңғай электрондық терезені енгізу және барлық кедендік рәсімдер бойынша тауарларды пилоттық электрондық декларациялауды енгізу жоспарланады.

«Құрылысқа рұқсат алу» индикаторын жақсарту бойынша келесі жылға жобалау-сметалық құжаттамасын келiсу рәсімдерін жетілдіру және сәулет-жоспарлау тапсырмаларын берудiң мерзімдерін ескере отырып, техникалық шарттар алу көзделді.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды