• Басты
  • Қазақстанда халықаралық деңгейдегі құқық мектебі ашылады

Қазақстанда халықаралық деңгейдегі құқық мектебі ашылады

1 Шілде, 2014 18:02
Алматыдағы Almaty Management University (бұрынғы Халықаралық Бизнес Академиясы) оқу орнында халықаралық деңгейдегі құқық мектебі ашылмақ. Жаңа мектептің студенттері іс-тәжірибе мен оқу тәжірибелерін Алматы қалалық кәсіпкерлер палатасында өтетін болады. Бұл туралы бүгін Алматы қалалық кәсіпкерлер палатасы мен университет өкілдері баспасөз конференциясында мәлімдеді, деп хабарлайды palata.kz сайты.

Жаңа мектептің алға қойған міндеттемелерінің бірі – коммерциялық секторларға, соның ішінде ірі компания иегерлері мен ШОБ субъектілеріне арналған жаңа форматтағы заңгерлерді дайындап шығару. Мектеп толықтай кәсіпкерлікке бағытталады. Сонымен қатар, осы саладағы заңгерлер мен адвокаттарды да дайындамақ.

Алматы қалалық кәсіпкрлер палатасының құқықтық мәселелер бойынша директорының орынбасары Айтуар Қошмамбетовтың айтуынша, Кәсіпкерлер палатасы студенттердің тәжірибелік қабілеттерді игеруіне ашық алаң құрмақ.

Баспасөз конференциясының қатысушыларының айтуынша, құқықтық мәдениет елдің экономикасының дамуының маңызды факторы болып табылады. Кәсіпкерліктің құқықтық міндеттері – өте өзекті мәселе. Сол себепті Мемлекет басшысы кәсіпкерліктің дамуын ерекше назарға алып, Қазақстанның әлемдегі 30-дыққа енуінің басты талабы ретінде атап отыр.

Барлық жаңалықтар