БҚО-да мемлекеттік тапсырыс бойынша мамандар дайындалады
1 Шілде, 2014 18:28
Оралда техникалық және кәсіптік білім беру ұйымдарын дамыту мен мамандарды дайындаудың өңірлік кеңесінің отырысы өтті. Онда 2014-2015 жылдарға арналған техникалық және кәсіптік оқытумен мамандарды дайындаудағы мемлекеттік тапсырыс жоспарының жобасы мақұлданды.
50 мамандық бойынша 3500 маманды дайындау мемлекеттік тапсырыс арқылы жүзеге асырылып, Батыс Қазақстан облыстық жергілікті бюджеттен қаржыландырылатын болады.
Кеңестің төрағасы облыс әкімінің орынбасары Бахтияр Мәкеннің айтуынша, дуалды оқытуға бүгінгі таңда ерекше көңіл бөлініп, кәсіпкерліктердің колледждермен әріптестік құру мәселесі күн тәртібінен түспек емес. Көптеген өндірістер техникалық және кәсіптік оқыту ұйымдарымен маман дайындауда бірлескен жобаларды іске асыруда, деп хабарлайды palata.kz сайты.
