Көкшетауда Астана күніне орайластырылған кітап көрмесі өтті
1 Шілде, 2014 16:33
Ақмола облысы Көкшетау қаласында Елорда күніне орай «Астана –арман қала» атты көрме өтті.
Көрменің мақсаты – Ұлт көшбасшысы, Отанымыздың астанасы туралы кітаптарды насихаттау арқылы өскелең ұрпақтың патриоттық сезімін ояту, жастар мен жасөспірімдердің кітап пен оқуға деген қызығушылықтарын арттыру, деп хабарлайды облыс әкімдігінің баспасөз қызметі.
Аталмыш көрменің қонақтары ретінде балалар лагерьлерінің бүлдіршіндері мен кітапхана оқырмандары қатысты. «Астана», «Астана – Қазақстанның жүрегі», «XXI ғасыр – Қазақстанның жұлдызды ғасыры», «Ұлт көшбасшысы» секілді кітаптармен танысу барысында қонақтар Астана мен Қазақстан туралы көптеген мәліметтерге қанық болды.
