Ақмола облысында бос орындар жәрмеңкесі өтті
28 Маусым, 2014 10:28
Көкшетауда жастарға арналған бос орындар жәрмеңкесі ашылды. Шараны «Көкшетау қаласының жұмыспен қамту мен әлеуметтік бағдарламалар бөлімі», «Жұмыспен қамту», «Жас Отан» Жастар қанатының филиалы бірлесіп ұйымдастырып отыр. Жәрмеңкеге қатысушылар арасында 53 жұмыс беруші 327 бос орынды ұсынса, 80 жас үміткер бар.
Ақмола облысының баспасөз қызметінің хабарлауынша, «Нұр Отанның» « Жастар Отанға!» жобасы аясында қалада «Кеңес Орталығы» консалтинг-орталығы жұмыс істейді, онда тегін 35 ұйым кеңес алады.
«Кеңес Орталығы» консалтинг-орталығының мақсаты – заңдық және тәжірибелік көмек көрсету. Сондай-ақ, жастарға мемлекеттік және өзге бағдарламалар бойынша ақпарат беру де олардың құзырына енеді.
«Кеңес Орталығына» жүгінген барлық жастар бос орындар жәрмеңкесіне шақырылды, олар түйіндімелерін қалдырып, «Жастар тәжірибесі» бағдарламасына қатысуға мүмкіндік алды.
