Астанада Елорда күніне орай халықаралық конференция басталды

«Бұл маңызды оқиға биыл жетінші рет өтіп отыр. Сол себепті біздің кездесулер шын мәнісінде айтулы шараға айналды. Конференция тиімді диалог механизмі ретінде көрініс таппақ. Бірнеше жылдың ішінде оған 350-ден астам ғылыми қауымдастық өкілдері қатысты, жыл санап оның саны артып келеді. Астананың өзі қоғамдық дамудың серпініне айналды. Оған дәлел халықаралық қауымдастықтың назарынан түспеуі», - дейді Елордалық ішкі саясат басқармасы жетекшісінің орынбасары Әлнұр Сейдуманов.

Айта кету керек, жыл санап аталмыш конференция Қазақстанның жас Астанасына 60 шақты қазақстандық және халықаралық зерттеушілер мен оқымыстыларды, тарих, экономика, пәлсапа, әлеуметтану және өзге де ғылым түрлерінің сарапшыларының басын қосады. Алдыңғы алты жылда конференцияға Пәкістан, Малайзия, Үндістан, Жапония, Ирак, Түркия, Франция, Германия, Ресей, Армения, Әзірбайжан, Тәжікстан, Қырғызстан, Өзбекстан, Украина, Беларусьтен 350-ден астам зерттеушілері қатысты.

«Бүгінде мұнда қазақстандық және шетелдік сарапшылар, оқытушылар, ғалымдар, түрлі сала мамандары біздің елордамыздың күн тәртібіндегі мәселелері жайлы пікір алмасуда. Менің пікірімше бұл шара қалалар мен мемелекеттер арасындағы басты мәселелерді шешуге мүмкіндіктерді молайта түспек», - дейді.