Қазақстан мен Албания қоршаған ортаны қорғау саласындағы ынтымақтастықты талқылады
26 Маусым, 2014 17:34
Қазақстан Республикасының қоршаған орта және су ресурстары министрі Нұрлан Қаппаров Албанияның қоршаған ортаны қорғау министрі Лефтер Кокамен кездесуі болып өтті. Кездесу барысында тараптар табиғатты қорғау саласындағы екіжақты ынтымақтастықты дамыту перспективалары және Албанияның «Астана ЭКСПО-2017» халықаралық көрмесіне қатысу мәселелері талқыланды.
Кездесу нәтижесінде албандық тарап Қазақстан Президентінің бастамасын қолдап, Лефтер Кока «Жасыл көпір» серіктестік бағдарламасының Хартиясына қол қойды, деп қоршаған орта және су ресурстары министрлігінің баспасөз қызметі хабарлады.
