• Басты
  • Сенат спортшылар мен бапкерлерге өмір бойы төлем төлеу заңын қабылдады
26 Маусым, 2014 12:48

Сенат спортшылар мен бапкерлерге өмір бойы төлем төлеу заңын қабылдады

Парламент Сенатында Қ. Тоқаевтың төрағалығымен өткен отырыста «Дене шынықтыру және спорт мәселелері туралы» заң қаралып, қабылданды.
Сенат спортшылар мен бапкерлерге өмір бойы төлем төлеу заңын қабылдады

«Заң жобасы мемлекеттік саясаттың негізгі бағыттары бойынша мәдениет, спорт, чемпиондар мен олимпиада, паралимпиада жүлдегерлеріне  сыйақы төлеу салалары бойынша кеңейтілді. Сондай-ақ, бапкерлер мен спортшыларға арналған ай сайын  төленетін өмір бойғы  төлем енгізу қарастырылуда», - деді дене шынықтыру және спорт агенттігінің төрағасы Т. Есентаев.

Сондай-ақ, оның айтуынша, заң жобасы спорт медицинасы мен спорт федерациясының жауапкершілігін арттыруды дамытуды басты назарға алып отыр.

Заң жобасының негiзгi мақсаты дене шынықтыру және спорт саласындағы заңнаманы жетiлдiру, сондай-ақ «Дене шынықтыру және спорт туралы» заң жобасының нормаларын қолданыстағы заңнамамен сәйкестендіру болып табылады. Осыған байланысты Бюджет кодексіне, ҚР Әкімшілік құқық бұзушылық туралы кодексіне, Халық денсаулығы және денсаулық сақтау жүйесі туралы кодексіне, «Тұрғын үй қатынастары туралы», «Мемлекеттік сатып алу туралы» заңдарға тиісті түзетулер енгізілді. 

Атап айтқанда, дене шынықтыру және спорт, медициналық спорт саласындағы заңнаманы бұзғаны үшін лауазымды адамдардың әкімшілік жауаптылығы белгіленеді, тұрғылықты жер бойынша және бұқаралық демалыс орындарында спорттық инфрақұрылымды құру және күтіп-ұстау мәселелері бойынша, кент әкімдеріне, сондай-ақ, спортшылар мен жаттықтырушыларға берілетін әлеуметтік кепілдіктер бойынша кент әкімдерінің құзыреті кеңейтілді.

Камила Амирова 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды