Астана – Президент саясатының іс жүзіндегі көрінісі –елші

«Қазақстанның жаңа елордасын ел Президенті саясатының іс жүзіндегі көрінісі екенін айта аламыз. Астана тәуелсіз және қуатты демократиялық Қазақстанның нағыз флагманына айналды. Қаланың болашағы әлі алда. Қазақстан Президенті Нұрсұлтан Назарбаев Астананың алдына әлемдегі ең дамыған 30 қаланың қатарына ену тапсырмасын қойып отыр. Бүгінгі таңдағы қаланың экономикалық өсу қарқынынан аталмыш белестің алыс емес екенін көреміз», - дейді елші.

Сонымен қатар, З.Гашимовтың айтуынша, Астананың елорда ретінде таңдалуының өзіндік маңызы да жоқ емес. Астананың географиялық орналасуы мұнда инфрақұрылым қуатын арттыруға мол мүмкінідктер ұсынады.  

«1997 жылы Қазақстан Президенті Нұрсұлтан Назарбаев елорданы Алматыдан Ақмолаға көшіру туралы шешім қабылдады. Ондағы мақсат елорданы тиімді геосаяси аймаққа көшіру мен ірі көлік жолдарының тоғысқан шаһарына алмастыру. Ол кездегі Ақмоланың халқы 319 мың еді. Енді Астанамыз Қазақстандағы ең ірі қалалардың біріне айналып отыр», - дейді.

Сонымен қатар, елші Президенттің Астанаға терең саяси жән рухани мән бергенін айтты.

«16 жыл ішінде Астан тәуелсіз мемлекеттің жетістігі мен гүлденуінің белгісіне айналғандай. Қазақстанның жаңа Астанасын құру туралы бастаманы көтерген Н.Назарбаев теңдессіз еуразиялық феномен бере отырып оның рухани және саяси деңгейін арттырды», - дейді.