Н. Назарбаев ШҚО-ның технологиялық жабдықтар зауытында болды
24 Маусым, 2014 09:10
Мемлекет басшысы Шығыс Қазақстан облысына жұмыс сапары аясында Өскемен технологиялық жабдықтар зауытында болды, деп Ақорданың баспасөз қызметінде хабарлады.
Зауытты аралау барысында Мемлекет басшысына облыста жүзеге асырылып жатқан Индустрияландыру картасының жобалары көрсетілді. Сондай-ақ, Нұрсұлтан Назарбаев технологиялық жабдықтар өндіретін жаңа зауыт құрылысының барысымен танысты.
Өскемен технологиялық жабдықтар зауыты жылу-энергетикалық кешен, құрылыс индустриясы мен металлургия кәсіпорындарына арналған өнімдер шығаруға мамандандырылған. Оның жабдықтары Қазақстанмен қатар алыс-жақын шетелдерде сатылады.
