• Басты
  • Ақтөбеде 111 жылдық тарихы бар орталық мешіт ашылды
20 Маусым, 2014 19:02

Ақтөбеде 111 жылдық тарихы бар орталық мешіт ашылды

Бүгін Ақтөбе қаласындағы 111 жылдық тарихы бар қалалық орталық мешіттің салтанатты ашылу рәсімі өтті.
Ақтөбеде 111 жылдық тарихы бар  орталық мешіт ашылды

Жалпы бұл мешіттің іргетасы 1903 жылы қаланған болатын. Араға 111 жыл салып аталмыш мешіт күрделі жөндеуден өтіп, 8 есеге үлкейтіліп отыр, деп облыс әкімдігінде хабарлады.

Қазірде жалпы мешіт аумағының көлемі 4528 шаршы метр, күмбез биіктігі 28 метр, мешіттің көлемі 1255 шаршы метрді құрайды. Ғимарат 3 қабаттан тұрады, құлшылық ету залдарының сыйымдылығы 2800 адамға арналған.

Мешіттің салтанатты ашылу рәсіміне Қазақстан Республикасы Дін істері агенттігінің төрағасының орынбасары Шойкин Ғалым Нұрмағамбетұлы, Қазақстан мұсылмандар діни басқармасының төрағасы, Бас муфти Маямер Ержан Малғажыұлы, Ақтөбе қаласының әкімі Омаров Ерхан Болатжанұлы, облыстық атқарушы органдар басшылары және қала тұрғындары қатысты.

Барлық жаңалықтар