• Басты
  • Мен үшін Астананың орны бөлек - елорда құрдасы
19 Маусым, 2014 17:42

Мен үшін Астананың орны бөлек - елорда құрдасы

Астана қаласының менің жүрегімде алған орны бөлек, деп «Strategy2050.kz» АА берген сұхбатында Астанадағы Назарбаев зияткерлік мектебінің оқушысы Әділ Тасқымбаев ағынан жарылды.
Мен үшін Астананың орны бөлек  - елорда құрдасы

«Мен Астананың тумасымын. Бұл шаһардың менің жүрегімде алған орны бөлек.  Бүгінде Астананың сол жағалауында қала қарыштап дамып келеді. Жалпы, қазіргі таңда  Астана тек Қазақстанның елордасы ғана емес, күллі әлемнің астанасы десек болады. Себебі, мұнда ЕҚЫҰ саммиті, қысқы Азиада 2011 және басқада ауқымды да, салмақты шараларды өткізілді», - деді А. Тасқымбаев.

Бұдан басқа, Әділ өзінің мектебі туралы да айтуды ұмытқан жоқ.

«Мен бұл мектепте құрылғалы бері білім алып келемін. Алғаш ашылғанында НЗМ тек Астана қаласында ғана болды. Ал, қазір ол еліміздің барлық аймақтарында бар. Бұл мектеп бірегей білім ошағы болып табылады. Мұнда еліміздің талантты балалары өздерін одан әрі дамытып, үлкен мүмкіндікке қол жеткізе алады», - деді оқушы.

Сонымен қатар, елорда құрдасы Қазақстан азаматтарын шын жүректен Астана күнімен құттықтады.

«Мен шын жүректен барлық астаналықтарды мерейлі мерекесімен құттықтаймын. Мен барлығына армандары орындалатын мекенді тілеймін. Бастысы мен дәл қазір НЗМ білім алудамын және өз болашағымды жарқын елестетемін. Астана - ол арман қала, егер адамның бір арманы болса ол міндетті түрде осы Астанада орындалады», - деп ол ағынан жарылды.

Индира Кауметова 

Фото - Азамат Алиев 

Барлық жаңалықтар