Жеңіс Қасымбек БҚО өкілдеріне автомобиль жолдарын дамыту туралы баяндады
Соның ішінде, ККМ басшысы 2002 жылдан бастап Батыс Қазақстан аумағында Орал қаласында Орал өзені және Атырау облысында РФ шекарасында Қиғаш өзені арқылы өтетін екі көпір өтпесі салынды, 2 235 км республикалық маңызы бар автомобиль жолдары қалпына келтірілді, оның ішінде «Атырау – Орал» (487 км), «Ақтобе – Қостанай облысының шекарасы» (231 км), «Атырау – Доссор – Бейнеу» (426 км), Ақтөбе қаласының Солтүстік айналма жолын қосқанда Ақтөбе облысы бойынша «Батыс Еуропа – Батыс Қытай» дәлізінің учаскелері, «Ақтөбе – Орал» (397 км). Сонымен қатар, «Чапаев – Жалпақтал» учаскесінің 97 км және «Ақтөбе – Атырау – Астрахань» автожолының 59 км күрделі жөндеуден өтті, деп ведомствоның баспасөз қызметі хабарлады.
Сондай-ақ, ағымдағы жылы «Ақтөбе – Орал» учаскесінің 65 км қайта салуын аяқтап, «Бейнеу – Шетпе» учаскесідегі 240 км бойы қозғалыс ашу жоспарланып отырғанын атап өтті. Оған қоса, Көлік және коммуникация министрлігі ағымдағы жылдың шілдесінде «Шетпе – Ақтау» (170 км) учаскесін қайта салу жұмысын бастауды жоспарлауда. Ал 2015 жылы «Бейнеу – Ақтау» учаскесіндегі займды үнемдеу есебінен «Жетібай – Жаңаөзен» автожолын қайта салуды жоспарлап отыр.
Аумақтағы республикалық маңызы бар жолдардың ішінде қазіргі кезде күрделі жөндеумен БҚО «Чапаев – Жалпақтал» автожолының 60 км, Атырау облысының «Атырау – Ақтөбе» автожолының 19 км, Маңғыстау облысының «Ақтау – Құрық» автожолының 59 км қамтылды. Ағымдағы жылы бұған қосымша Атырау облысында «Жәнібек – Казталовка» автожолының 20 км және «Доссор – Мақат» учаскесіндегі 17 км күрделі жөндеу басталады. Сонымен бірге, Батыс Қазақстан аумағының республикалық маңызы бар жолдар жүйесін күтіп ұстау мақсатында 317 км жолды орташа жөндеуден өткізу қарастырылған.
Бұдан тыс, биыл «Ақтөбе – Атырау – Астрахан» автожолын қайта салудың үшін жобалық-сметалық құжаттамасын әзірлеу жоспарланған.
Сонымен қатар, министр ағымдағы жылы Мемлекет басшысы мақұлдаған 2020 жылға дейінгі көлік жүйесінің инфрақұрылымын дамыту және біріктіру жөнінде мемлекеттік бағдарламасына сәйкес Батыс аумағында 1 мың километрден астам автожолдарды күрделі жөндеуден өткізу және жалпы ұзақтығы 1,3 мың км «Ақтөбе – Атырау – Астрахан», «Бейнеу – Ақтау», «Жетібай – Жаңаөзен – Түркіменстан шекарасы», «Бейнеу – Ақжігіт – Өзбекстан шекарасы», «Орал – Каменка – РФ шекарасы» және «Жымпиты – Чапаев» республикалық маңызы бар автожолдарды қайта салу жоспарланғанын еске салды.
