Елорда күніне орай 28 аула абаттандырылады
19 Маусым, 2014 10:44
Қазіргі уақытта Сарыарқа ауданында орналасқан тұрғын үйлерді абаттандыру жұмыстары қолға алынды. Жұмыстар Қала күні қарсаңында аяқталмақ.
Қала әкімдігінің ресми сайты хабарлағандай, Сарыарқа ауданы әкімі аппаратынан astana.kz сайтына хабарлағандай, 11 алаңда тренажер орнатылады, жалпы ауданы 3894 шаршы метрлік 10 әмбебап спорт алаңы салынады, сондай-ақ, балалар алаңдарына 178 шағын архитектуралық форма қойылады.
Бұдан басқа, алдағы жөндеу жұмыстары кезінде 30 мың шаршы м жерге асфальт жабыны төселеді, 21 мың шаршы м астам аумақта гүлзар жасалады, 150 жуық көшет пен 31 бұта отырғызылады.
Жаз маусымында Астанада абаттандыру жұмыстары жүйелі түрде жүргізіледі. Бұл аулалардың көркін келтіріп, қала тұрғындарының өмір сүру сапасын арттыруға мүмкіндік береді.
