Елордаға Астана күнінде әлемдік жұлдыз Akon келеді
19 Маусым, 2014 11:46
Әлемдік жұлдыз Akon «Асқақтай бер, Астана!» түнгі би кешінің хэдлайнері болады. Отандық және шетелдік эстрада жұлдыздарының қатысуымен «Сарыарқа» республикалық велотрегінде 6 шілдеде үлкен мерекелік концерт өтеді.
Сонымен, 2014 жылы Астана күнінің хэдлайнері ретінде әлемдік опера және балет өнерінің майталманы Анна Нетребко мен La Scala атты миландық театрдың труппасы, Akon, Blue тобы, Полина Гагарина, Лариса Долина сынды жұлдыздар өнер көрсетеді.
«Асқақтай бер, Астана!» түңгі би кеші - астаналық жастар үшін керемет мерекелік сый. Қала күнін атап өту аясында ол осымен 5-ші жыл қатарынан өткізіліп келеді және брендке айналыпта үлгерді.
Естеріңізге сала кетейік, өткен жылы мерекелік концерттің басты жаңалығы танымал әнші, Pussycat Dolls тобының вокалисті Николь Шерзингер болған.
