Елорда күнінің логотипі –тарихта айтулы күннің образын бейнелеу
18 Маусым, 2014 17:54
Жыл сайын елорда тұрғындары мен қонақтары Қала күнін тойлауда ерекше ықылас танытады. Ұйымдастырушылардың болжауынша, мерекеге шамаман миллион қазақстандық қатысады.
Мерекені тойлауды қолға алғалы бері бұл күннің өзіндік бояуы қалыптасқаны анық. Көптеген қазақстандықтарға Астананың туған күнінің логотипі кеңінен таныс.
Логотипті жасаушылардың айтуынша, Елорда күні логотипінде Қазақстан астансының Ақмолаға көшірілген 1998 жылды білдіретін белгі де жоқ емес. Дәл осы уақытта Астана әлемдік деңгейде Қазақстанның елордасы болып танылды, деп хабарлайды «Бәйтерек» медиа орталығы.
Символ өсіп келе жатқан ағаштың графикалық образымен бейнеленген. Қазақ халқы бір жерден тамырланған деген ұғымды білдіруде ағаштың бейнесін ерекше пайдаланады. Осы ресми логотип 2009 жылдан бері пайдаланып келеді.
