• Басты
  • Туберкулезге қарсы жаңа препарат нарыққа шығуы мүмкін – М.Құлманов
18 Маусым, 2014 16:55

Туберкулезге қарсы жаңа препарат нарыққа шығуы мүмкін – М.Құлманов

Туберкулезге қарсы жаңа қазақстандық препарат алдағы уақытта нарыққа шығуы мүмкін. Бұл туралы бүгін ҚР Президенті жанындағы ОКҚ брифингінде жобаның ғылыми жетекшісі Мұрат Құлманов мәлімдеді.
Туберкулезге қарсы жаңа препарат нарыққа шығуы мүмкін – М.Құлманов

«Осыдан бірнеше жыл бұрын Президент Н.Назарбаев бізге туберкулезге қарсы препарат шығаруды тапсырған еді. Аталмыш орталық 10 жыл бұрын құрылды. Осы уақытта біз баламасы жоқ теңдессіз препарат жасап шығардық. Бұл туберкулезге қарсы FS-1 препараты. Зерттеу базасында ТМД-дағы алғашқы өнім дайындалды. Ол халықаралық талаптарға толықтай жауап береді», - дейді М.Құлманов.

Сонымен қатар, жобаның ғылыми жетекшісінің айтуынша, әлемде қазіргі таңда дәрілік тұрақтылық мәселесінің бары жасырын емес.  

«Бұл қазір әлемдік деңгейдегі бірінші мәселе. Дүниеүзілік денсаулық сақтау ұйымының мәліметінше, бүгінгі таңда медицина диоантибиотикті дәуірге қадам басып барады. Антибиотиктер жұмыс істемейтін болды. Америкада тағам өнімдері мен дәрі-дәрмекті қадағалайтын ұйым пайда болды. Олар АҚШ-тағы антибиотиктердің 80 пайызға жуығы ауыл шаруашылығында қадағалаусыз қабылданып жатқанын ресми түрде мәлімдеді. Бұл дегеніңіз антибиотиктердің сүтпен, етпен бірге қолданылады деген сөз», - дейді Мұрат Құлманов.

«Біз клиникалық зерттеудің екі фазасын өткіздік. Онда препарат өзінің тиімділігін көрсетті. Қазақстандағы туберкулез мәселесін алдағы уақытта шешуге болатыны анық. Дүниежүзілік денсаулық сақтау ұйымы бұл мәселенің тек дамыған елдерде ғана емес, сонымен қатар дамушы елдерде де бой көрсетіп жатқанын айтады. Біз аталмыш препараттың екінші фазасынан кейін Денсаулық сақтау министрлігінен тіркеуді сұрап отырмыз», - дейді М.Құлманов. 

Мадина Нұрбекова 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды