• Басты
  • Павлодарлық студенттер Ғабдул-Уахит Хазірет мавзолейіне барады
13 Тамыз, 2013 00:00

Павлодарлық студенттер Ғабдул-Уахит Хазірет мавзолейіне барады

«Халық тарих толқынында» акциясы аясында Павлодар студенттік құрылыс отрядтарының үздік құрылысшылары Ғабдул-Уахит Хазірет мавзолейіне барады.
Павлодарлық студенттер Ғабдул-Уахит Хазірет мавзолейіне барады

«Экспедицияның мақсаты – Павлодар облысының қасиетті жерлерін зерделеуді насихаттау. Сапарға студенттік құрылыс отрядтарының үздік жұмысшылары, туған өлкесінің тарихы туралы білгісі келетін жастар қатысады», - деді С. Шалабаев.

Бұған дейін өңірдің 150 студенті Баянауыл мен Екібастұз аудандарындағы Мәшхүр Жүсіп Көпеев пен Исабек Ишан Хазіреттің мавзолейіне барып қайтты. 

«Тарихыңды білмесең болашағың бұлыңғыр болатыны сөзсіз, сондықтан біздің көшпелі экспедиция жас ұрпаққа Ертіс маңының тарихын зерделеуге көмектеседі. Осылайша, біз жастардың бойында патриотизмді қалыптастыруға әрекет жасаудамыз. Жас ұрпақ өңіріміздегі қасиетті орындар туралы білген соң, оған құрметпен қарайды деген сенімдеміз», - деп атап өтті С. Шалабаев.

Экспедицияға Павлодар облысының Жастар саясаты мәселелері басқармасы, «Жасыл Ел» студенттік құрылыс және жастар отрядтары Павлодар облыстық штабы, сондай-ақ «Көне Дала» қоры қолдау көрсетіп отыр. 

Ислам дінін насихаттаушы, хазірет Ғабдул-Уахит Павлодар облысы Шарбақты ауданының «Келдіқыз» жайлауында дүниеге келген. Алты жасынан бастап ауыл молдасынан, Семей өңіріндегі Қапияш, Шархы, Шәмші, Шериазидден деген ұстаздардан ислам діні жөнінде дәріс алады. 1873 жылы Бұхарай-Шәріптегі «Мір араб» медресесіне қабылданып, 15 жыл оқиды. Оқуын 1888 жылы бітіріп, хазірет атағына ие болып, туған еліне оралады. Есілбай ауылында Темірғалы болыс салдырған мешіттің имамы әрі ұстазы болған. Қызыл империя орнағанда, мешіт қиратылғанымен халық хазіретті ұмытқан жоқ. Егемендік алған жылдары 1997 жылы Есілбай ауылында Темірғалы мешіті жарқырап қайта бой көтерді. 

«Келдіқыз» жайлауында Ғабдул-Уахит хазіретке кесене тұрғызылған.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды