• Басты
  • Қазақстандықтарға азық-түлікке төлем тағайындалады және жылу үшін төленген қаражат қайтарылады
20 Шілде, 2020 13:27

Қазақстандықтарға азық-түлікке төлем тағайындалады және жылу үшін төленген қаражат қайтарылады

1 млн-нан астам қазақстандық азық-түлік және тұрмыстық жиынтықтар үшін төлем алатынын ҚР Еңбек және халықты әлеуметтік қолдау министрлігі хабарлама арқылы таратты. Осы және жылу үшін төленген қаражаттың қалай қайтарылатыны туралы Strategy2050.kz тілшісінің материалынан білуге болады.

Қазақстандықтарға азық-түлікке төлем тағайындалады және жылу үшін төленген қаражат қайтарылады

Министрлік шілде айында азық-түлік және тұрмыстық жиынтықтар үшін қаражат төлеуді көздейтін бұйрықты әзірлеп, қабылдады. Енді қазақстандықтар 20 шілдеден бастап айдың соңына дейін банк карталарына төлем ала бастайды.

Бұйрық күшіне енген кезде 5 әлеуметтік топқа жататын азаматтар алушылар болады. Жергілікті атқарушы органдар қолда бар деректер негізінде азық-түлік және тұрмыстық жиынтық алуға тиісті адамдардың тізімін жасайды. Содан кейін шілде айына, яғни шектеу шараларының қолданылу кезеңінде алушыларға сомасы 2 АЕК мөлшерінде төлем жіберіледі.
5 әлеуметтік топқа:

– атаулы әлеуметтік көмек алушылар қатарынан 6 жастан 18 жасқа дейінгі балалар;

– медициналық-әлеуметтік мекемелерде тұрақты тұратын мүгедектерді қоспағанда, 16 жасқа дейінгі мүгедек балалар;

– медициналық-әлеуметтік мекемелерде тұрақты тұратын мүгедектерді қоспағанда, барлық жастағы I, II, III топтағы мүгедектер;

– мүгедек бала тәрбиелеп отырған адамдар;

– жұмыспен қамту мәселелері жөніндегі жергілікті органда тіркелген жұмыссыз азаматтар жатады.

Бұған дейін хабарланғандай, коронавирустық инфекцияны жұқтыру қаупін азайту мақсатында адамдардың тікелей байланысын болдырмау үшін азық-түлік және тұрмыстық жиынтықтар 2 АЕК-тен кем болмайтын мөлшерде алушылардың банк карталарына аударылған төлемге ауыстырылды.

Ағымдағы жылдың наурыз айынан мамыр айына дейін бұл төлемдер жалпы сомасы 13,5 млрд теңгеге 1 млн адамға есептелген.

Естеріңізге сала кетейік, ҚР Президенті Қасым-Жомарт табыссыз қалған қазақстандықтарды қолдау үшін жәрдемақылар, біржолғы төлемдер төленді, оның ішінде азық-түлік және тұрмыстық жиынтықтар берілді.

 Ал Қазақстан Республикасы Ұлттық экономика министрлігі Табиғи монополияларды реттеу комитеті елдің бірқатар өңірлерде тұтынушыларға жылу үшін қаражатты қайтару туралы хабарлады.

Комитет тұтынушылар үшін жылумен жабдықтау қызметтерінің құнын қайта есептеу бойынша жұмыстар жүргізуді бастап кетті.

Жұмыс табиғи монополиялар саласындағы заңнаманың нормаларына сәйкес жүргізілген болатын, оның қорытындысы бойынша қайта есептеу нәтижесінде жылу маусымында (2020-2021 жылдары) немесе күнтізбелік жыл үшін (2020 жылдың соңына дейін) қаражатты есептеуді қайтару халықтың жеке шотында көрсетіледі және аванс (сальдо) түріндегі жеке жолда жазылады.

Белгілі болғандай, Қазақстан Республикасының табиғи монополиялар туралы заңнаманың нормаларына сәйкес, табиғи монополия субъектісі сырттағы ауаның нақты температурасын ескере отырып, жылу энергиясымен жабдықтау бойынша реттеліп көрсетілетін қызметтің құнын тұтынушыларға тікелей не тұтынушының тұрған жерін анықтау мүмкін болмаған жағдайда жылу энергиясымен жабдықтау бойынша реттеліп көрсетілетін қызметке ақы төлеу кезінде тарифті төмендету арқылы қайта есептеуді жүргізуге мiндеттi.

Сырттағы ауаның нақты температурасын ескере отырып, жылу энергиясымен жабдықтау жөніндегі реттеліп көрсетілетін қызмет құнын қайта есептеу тәртібінің өзі Тарифтерді қалыптасытру қағидаларымен  регламенттелген (Қазақстан Республикасы Ұлттық экономика министрлігінің 2019 жылғы 19 қарашадағы №90 бұйрығымен бекітілген).

Осылайша, өткен 2019-2020 жылдардағы жылыту кезеңінде жылумен жабдықтау бойынша қызмет көрсететін 133 табиғи монополия субъектісі жылу энергиясының төлеміне жалпы сомасы ҚҚС-мен 736 771 070 теңгеге қайта есептеу жүргізді:

- Нұр-Сұлтан қаласы бойынша - 3 818 460 теңге, бұл ретте Нұр-Сұлтан қ. бойынша аумақтық департамент «Қаныш Сатпаев атындағы арна» РМК «Қазсушар» филиалы және «Сапро-НАТ» ЖШС-ы атты субъектілер бойынша қайта есептеу жүргізді, олар Қарағанды, Павлодар және Солтүстік Қазақстан облыстарында қызмет көрсетеді;

- Алматы қаласы бойынша – 13 327 030 теңге;

- Шымкент қаласы бойынша – 25 805 640 теңге;

- Алматы облысы бойынша – 8 659 900 теңге;

- Ақмола облысы бойынша – 39 708 450 теңге;

- Атырау облысы бойынша – 8 325 040 теңге;

- Ақтөбе облысы бойынша – 50 624 690 теңге;

- Шығыс Қазақстан облысы бойынша – 189 998 270 теңге;

- Жамбыл облысы бойынша – 43 108 930 теңге;

- Батыс Қазақстан облысы бойынша – 14 942 620 теңге;

- Қарағанды облысы бойынша – 167 298 790 теңге;

- Қостанай облысы бойынша – 50 718 610 теңге;

- Қызылорда облысы бойынша – 53 392 570 теңге;

- Маңғыстау облысы бойынша – 3 291 000 теңге;

- Павлодар облысы бойынша – 28 629 400 теңге;

- Солтүстік Қазақстан облысы бойынша – 22 562 880 теңге;

- Түркістан облысы бойынша – 12 558 790 теңге.

Бұл ретте, Нұр-Сұлтан қаласы мен Маңғыстау облысының Ақтау қаласында жылумен жабдықтау қызметтерін көрсететін «Астанаэнергосбыт» ЖШС-ы және «МАЭК-Қазатомөнеркәсіп» ЖШС-де тұтынушыларға сыртқы ауаның нақты температурасын ескере отырып, жылумен жабдықтау бойынша көрсетілетін қызметтердің құнын қайта есептеу бойынша аталған субъектілер тұтынушылармен есептеуді нақты көрсетілген қызметтер бойынша жүргізетіндіктен, қаражат қайтарудың  негізі жоқ екенін атап өткен жөн.

Барлық тұтынушылардың жылу энергиясын есептеу аспаптарын қолдануға ауысу қажеттілігі бойынша жылу энергиясының нақты тұтыну көлемі үшін ғана төлейтін болады және осы тұтынушыларға қайта есептеу жүргізілмейтінін атап көрсету қажет.

Фото: ашық дереккөз

Барлық жаңалықтар