• Басты
  • Қ.Тоқаев бірқатар тағайындаулар жасады
18 Желтоқсан, 2019 12:35

Қ.Тоқаев бірқатар тағайындаулар жасады

Қазақстан Президенті Қасым-Жомарт Тоқаев бірқатар тағайындаулар жасады, деп хабарлады Ақорданың баспасөз қызметі.
Қ.Тоқаев бірқатар тағайындаулар жасады

Мемлекет басшысының Жарлығымен Дархан Аманұлы Кәлетаев Қазақстан Республикасы Президентінің Әкімшілігі Басшысының бірінші орынбасары қызметінен босатылды.

Мәулен Әшімбаевті Қазақстан Республикасы Президентінің Әкімшілігі Басшысының бірінші орынбасары қызметіне тағайындау туралы Жарлыққа қол қойды.

«Мәулен Сағатханұлы Әшімбаев Қазақстан Республикасы Президентінің Әкімшілігі Басшысының бірінші орынбасары болып тағайындалсын, ол Қазақстан Республикасы Президентінің көмекшісі қызметінен босатылсын», - делінген Жарлықта.

 Сонымен қатар, Мемлекет басшысының Жарлығымен Иманғали Нұрғалиұлы Тасмағамбетов зейнеткерлік жасқа толуына байланысты Қазақстан Республикасының Ресей Федерациясындағы Төтенше және Өкілетті Елшісі қызметінен босатылды.

Ал Қанат Алдабергенұлы Бозымбаев Қазақстан Республикасы Президентінің көмекшісі болып тағайындалсын, ол Қазақстан Республикасының Энергетика министрі қызметінен босатылды.

Мемлекет басшысының Өкімімен Мәдина Ерасылқызы Әбілқасымова Қазақстан Республикасы Ұлттық Банкі Төрағасының орынбасары қызметінен босатылды.

Барлық жаңалықтар