• Басты
  • Қ.Тоқаев «Ауыл» партиясының төрағасын қабылдады
11 Желтоқсан, 2019 16:01

Қ.Тоқаев «Ауыл» партиясының төрағасын қабылдады

Қазақстан Президенті «Ауыл» партиясының төрағасы Әли Бектаевты қабылдады, деп хабарлады Ақорданың баспасөз қызметі.

 


Қ.Тоқаев «Ауыл» партиясының төрағасын қабылдады

Кездесу барысында Әли Бектаев Қасым-Жомарт Тоқаевқа партия мүшелерінің Ұлттық қоғамдық сенім кеңесі мен Президенттік кадр резервін құру, ауыл шаруашылығын дамыту мәселелері жөніндегі бастамаларды толық қолдайтыны айтты.

Сондай-ақ, еліміздің ауыл шаруашылығы саласына қаржылық қолдау көрсету мәселесі көтерілді. Атап айтқанда, Әли Бектаев бұл саладағы жүйелі қаржыландыру үдерісін реформалауға қатысты ұсыныстарын ортаға салды.

Партия басшысы Президенттің ауыл шаруашылығы жерлерін тиімді пайдалану, егістік алқаптарын нақты іспен айналысатын шаруаларға беру туралы тапсырмаларының өте өзекті екеніне тоқталды.

Мемлекет басшысына «Ауыл» партиясының ауыл шаруашылығы саласын одан әрі дамыту, шалғай елді мекендерді өркендету мәселелеріне қатысты бірқатар ұсыныстар айтылды.

 

Барлық жаңалықтар
3.238.184.78, 192.168.88.100