12 Қараша, 2019 16:38

Ұ.Әліпов: Қытай елімен бірлескен 5 жоба жүзеге асырылып жатыр

Еліміздегі автожол саласында Қытай Халық Республикасымен бірлескен 5 жоба жүзеге асырылып жатыр. Бұл туралы үкіметте өткен баспасөз мәжілісінде "Қазавтожол" басқармасының төрағасы Ұлан Әліпов айтты, деп хабарлады Strategy2050.kz тілшісі.

"Еліміздегі автожол саласында Қытай Халық Республикасымен бірлескен 5 жоба жүзеге асырылып жатыр. Олар бізді қаржысымен қаржыландырып отыр. Олардың қатарында 763 шақырым болатын "Талдықорған-Өскемен" жолы жобасы, "Қалбатау-Майқапшағай" жобасы - 415 шақырым, "Қарағанды-Балқаш" жобасы - 363 шақырым, "Мерке-Бұрылбайтал" жобасы 266 шақырым, және осы Нұр-Сұлтан қаласының оңтүстік айналма жолы 34 шақырым болады. Осы жобаларда біріккен консорциумдар жұмыс істеп жатыр", - деді басқарма төрағасы.

Сонымен қатар ол осы жобалармен жұмыстанып жатқан нақты қандай компаниялар екендігін атап өтті.

"Нұр-Сұлтан қаласының айналма жолында "Қазгер" қазақстандық компаниясы мен қытайлық "Цин-цин" компаниясы жұмыс істеп жатыр. "Талдықорған-Өскемен" жолы жобасын Қытайдың "Сити" компаниясы және қазақстандық "Карго-строй" компаниясы қолға алды. Қарағанды-Балқашты алатын болсақ Қытайдың "Сити" компаниясы және қазақстандық "Карго-строй" компаниясы жұмыс істеп жатыр. Аталған жобаларды іске асыру үшін 50/50 келісім шартпен консорциумдар құрылған", - деді Ұлан Әліпов.

Сондай-ақ оның айтуынша, жоғарыда аталған жобалар мен 2020 жылға жоспарланған жобаларға Азия даму банкі, Еуропа қайта құру банктері инвестиция құйып отыр.

"Жобаларға Азия даму банкі, Еуропа қайта құру банктерінен инвестиция тартылған. Бұл жобаларда да шетелдік компаниялар жұмыс істеп жатыр. Енді басталып жатқан "Күрті-Қапшағай" жобасы 67 шақырым болады, оның жұмысы келер жылдан басталады. Қазір Ақтөбе-Қындыағаш жобасына мердігер таңдау жұмыстары жүріп жатыр. Оның да жұмысы 2020-да басталады", - деді ол.

Бұдан бөлек ол Нұрсұлтан Назарбаев пен Си Цзиньпиннің бастамасымен қабылданған "Жбек жолының экономикалық белдеуі" бағдарламасына тоқталды.

"Бізде Қазавтожол компаниясының шетелдік компаниялардың қатысуымен жүргізіп жатқан бірнеше жоба бар. Қазіргі кезде ҚР Тұңғыш президенті Назарбаев пен ҚХР-дің президенті Си Цзиньпиннің "Бір белдеу- бір жол" бастамасын жүзеге асыру аясында "Нұрлы жол" бағдарламасы екеуін біріктіріп "Жбек жолының экономикалық белдеуі" деген үлкен бағдарлама қабылданды. Бұл бағдарламаға Ресей, Түркменістан, Өзбекстан, Қырғызстан секілді көршілес мемлекеттер кірді. Сол бағдарлама бойынша қазір Қазақстанның аумағында Қытай халық республикасының экспорттық-импорттық банкі тарапынан жалпы ұзындығы 1841 шақырым жол қайта жаңартудан өтіп жатыр. Бұл жерде басты мәселе жеңілдетілген займ болғандықтан, мұндай қытайлық компаниялар міндетті түрде қатысады", - деді ол.

Сонымен қатар оның айтуы бойынша, Қазақстандағы шетелдік компанияларда ҚР мемлекетінің заңына сәйкес тек 10 пайыз шетелдік азаматтар жұмыс істеп жатыр.

"Мұнда 50/50 қытайлық және қазақстандық компаниялардың консорциумын құрылғанын айтып өттім. Сол консорциумдар қазір жұмыс істеп жатыр. Мердігерлік компаниялардың келісім шартқа біздің мемлекеттің заңына сәйкес 10 пайыз шетелдік азамат жұмыс істеуде. Қалғанының бәрі қазақстандық азаматтар, тіпті ол шетелдік компания болса да. Шетелдік компаниялардың барлығында дерлік осы ереже сақталады", деді басқарма төрағасы.

Бұдан басқа ол өз баяндамасында ақылы жолдарға қатысты жоспарларымен бөлісті.

"Ақылы жолдармен "Қазавтожол" компаниясы айналысады. Қазір инвестциялық жобаның конкурсы жүріп жатыр. Сарапшылар қатысқан компанияларды іріктеумен айналысуда. Бұл 11 мың шақырым, екі этаппен жүргізіледі. Бірінші этапта 6 мың шақырым, екінші этапта 5 мың шақырым. Бұл жоба 2020-дан 2025-ке дейін жүзеге асырылады", - деп атап өтті.

Сонымен қатар баспасөз мәжілісіне қатысып, журналистердің сұрақтарына жауап берген Индустрия және инфрақұрылымдық даму министрлігінің автомобиль жолдары комитетінің төрағасы Сайранбек Бармақов биыл құрылған Ұлттық жол активтері сапасы орталығының жұмысы туралы айтып берді.

"Биыл Елбасының тапсырмасымен Ұлттық жол активтері сапасы орталығы ашылды. Наурыз айынан бастап жұмыс істеп жатыр. Оның 14 облыста 14 филиалы бар және 3 республикалық маңызы бар қалада, атап айтсақ, Нұр-Сұлтан, Алматы және Шымкент қалаларында 3 филиалы бар. Бұрын олар тек республикалық маңызы бар жолдарды ғана қарайтын, олардың жұмысын сапасын, құралдарын тексеретін. Енді биылдан бастап жергілікті маңызы бар жолдарды да қарайтын болады. Біз дүниежүзілік рейтингте төменгі орындарды алып жүрміз, себебі біздің жергілікті жолдарымыз нашар. Ол 71 мың км құрайды, соның жартысынан астамы нашар. Енді биылдан бастап аталған орталық аудандық, облыстық маңызы бар жолдардың сапасын, құрал-жабдықтарын тексеретін болады", - деді комитет төрағасы.

Назерке Сүйіндік

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды