1 Қараша, 2019 16:31

Елордада үздік әлеуметтік жобалардың көрмесі өтіп жатыр

Елордада "Қазақстанның үздік әлеуметтік жобалары" республикалық көрмесі өтіп жатыр. Алғаш болып сөз алған аталған көрменің негізін қалаушы, "Еңбек ресурстарын дамыту орталығының" президенті Тамара Дүйсенова үздік деген бірқатар жобаны таныстырды, деп хабарлады Strategy2050.kz тілшісі.

"Жыл сайын әлеуметтік қызметкерлер күні қарсаңында өтетін көрмемізге қош келдіңіздер. Аталған көрме осымен 7-ші рет өткізіліп отыр. Алғашқы жылы 52 әлеуметтік жоба ұсынылған еді. Ал қазір жыл сайын 200-ден астам әлеуметтік жоба келіп түседі. Биыл еліміздің әр аймағынан 59 әлеуметтік жоба жеңімпаз атанып отыр. Жеті жыл ішінде 1170-тен астам жоба ұсынылды. Оның 171 жобасы жеңімпаздардың қатарынан табылды",- деді ол.

Сондай-ақ Тамара Дүйсенова әлеуметтік жобалардың авторларына алғысын білдіріп, үздік жобаларға тоқталды. Соның бірі Жамбыл облысындағы Рауылбековтер отбасының "Қайсар" оңалту орталығын атап өтуге болады. Өздері бірінші топтың мүгедектері бола тұра, Рауылбековтер отбасы тірек қимыл аппараты зақымданған жандарға көмек көрсететін жандарға арналған орталық ашып отыр.

"Қайсар" оңалту орталығы Жамбыл облысында 2018 жылы ашылған мүмкіндігі шектеулі жандарға арналған мекеме. Мен 8 жылдан бері кәсіпкерлікпен айналысып келемін. Аталған оңалту орталығын өз қаражатыма салдырдым. Біз тірек қимыл аппараты зақымданған жандарға 20 оңалту жаттықтыру аппарттары дайындадық. Құрал жабдықтың барлығы орталық жанындағы цехта жасалады. Әрбір науқастың мүмкіндігін ескере отырып жасалады. Мақсатымыз оларға артық зақым келтірмеу. Түске дейін жаттығулар жасалса, олар түстен кейін массаж процедурасын қабылдайды",- деді орталықтың негізін қалаушы Рауан Рауылбеков.

Сонымен қатар оның айтуынша, орталық тек қана Жамбыл облысының тұрғындарына ғана емес, еліміздің басқа да аймақтарынан келген мүмкіндігі шектеулі жандарға көмек көосетіп отыр.

"Бүгінде орталыққа тек өз облысымыздың ғана емес, БҚО, Түркістан, Атырау облысының тұрғындары келіп, ем алып жатыр. Арнайы оңалту-жаттығу аппараттары арқылы көптеген науқастарымыз емделді",- деді кәсіпкер.

Бұдан бөлек Солтүстік Қазақстан облысынан кәсіпкер Сәлімхан Сәбитовтың жобасын атап өтуге болады. Ол өзінің тірек қимыл жүйесі бұзылған болса да, мүмкіндігі шектеулі жандарға арналған автомектептің негізін қалады.

"2018 жылы аштым. Қазіргі таңда 14 адам жүргізуші куәлігіне ие болды. Солтүстік Қазақстанда 1800-ге жуық мүгедек, оның 800-ге жуығының тірек қимыл жүйесінде ақау бар. Енді олардың барлығының көлік жүргізуге мүмкіндігі бар. Автомектептің 2 үйренушісі автобиль сатып алып, сенімді түрде машина айдап жүр қазір. Басқа аймақтардан автомектеп ашамын дейтіндерге франшизамды сыйлық ретінде беремін. Автомектепті болашақта еліміздің ірі қалаларында, атап айтсам, Алматы, Шымкент, Ақтауда ашу жоспарымда бар",- деді ол.

Айта кетейік, биыл аталған көрме осымен 7-ші рет өткізіліп отыр. Комиссия аймақтардан келіп түскен 57 әлеуметтік жобаның ішінен республикалық деңгейдегі үздіктерді анықтады. Байқаудың баста мақсаты – қоғамды азаматтық белсенділікке шақырып, мүмкіндігі шектеулі азаматтардың шығармашылық әлеуетін арттырып, оларға тең мүмкіндіктер қарастыру.

Назерке Сүйіндік

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды