• Басты
  • Қазақстанның үздік кәсіпорындары мен кәсіпкерлері марапатталды
13 Желтоқсан, 2019 16:47

Қазақстанның үздік кәсіпорындары мен кәсіпкерлері марапатталды

Индустрияландыру күніне орай Мемлекет басшысы Қасым-Жомарт Тоқаев пен Премьер-Министр Асқар Маминнің, Үкімет мүшелері мен «Атамекен» ҰКП басшылығының қатысуымен конгресс орталығында Қазақстан Республикасы Президентінің «Алтын сапа» сыйлығының лауреаттарын, «Қазақстанның үздік тауары»,  «Парыз», «Altyn Oimaq», «Бизнес Кемелділік», «Іскер», «Ұлы Дала Елі» байқауларының жеңімпаздарын марапаттау салтанаты өтті. 
 Қазақстанның үздік кәсіпорындары мен кәсіпкерлері марапатталды

Екінші индустриялық бесжылдық пен 2020-2025 жылдарға арналған Индустриялық-инновациялық даму мемлекеттік бағдарламасын іске асыру жоспары туралы индустрия және инфрақұрылымдық даму министрі Б. Атамқұлов баяндады. 

«Бағдарлама Қазақстанда іске асырылған жылдары жаңа индустриялық база пайда болды, бұл еліміздің көптеген өңірлерінде нәтижелі жұмыспен қамтуды және экономиканың тұрақтылығын қамтамасыз етті. Өңдеу өнеркәсібі кәсіпорындары 43 трлн теңгеге өнім өндірді. Қараша айында өңдеу өнеркәсібі өндірісінің көлемі бір ай ішінде алғаш рет 1 трлн теңгеден асты. Саладағы еңбек өнімділігі $35,3 мың/адамға жетті. Аталған кезеңде салада негізгі капиталға инвестициялар ағымы 4,5 трлн теңгеден асты», - деді Б. Атамқұлов.

2015 жылдан бері қазақстандық кәсіпорындар $70 млрд-қа өңдеу өнеркәсібі өнімдерін экспорттаған. Инвестициялар көлемі 5 трлн теңгеден асатын Индустрияландыру картасының 500-дан астам жаңа индустриялық жобасы пайдалануға берілді. 

Бағдарлама өңдеу өнеркәсібінің негізгі салаларының дамуын жаңа деңгейге шығарды. 

Металлургияда өндірістің шығару көлемі 2,2 есеге артты, базалық металдарды, жартылай өнімдер мен жартылай дайын өнімдерді өндіруден құбырлар, металл конструкциялар, дискілер мен сымдар т.б. тәрізді дайын өнімдері шығаруға көшу жүзеге асырылды. 

Индустрияландырудың екінші бесжылдығы кезеңінде машина жасауда өнім көлемі 1,2 есе, 1033 млрд теңгеге дейін артты. Машина жасаудағы автоөнеркәсіптің үлесі 26%-ға дейін ұлғайды. Салада инфокоммуникациялық жабдықтар, модемдер, винт сорғылар, жарықтандыру құрылғылары мен электр тарату аппаратурасы, орталық кондиционерлер тәрізді жаңа өнім түрлері игерілді. Экспортқа бағдарланған рефрижераторлы вагондарды шығару жолға қойылды. 

   Химия өнеркәсібіндегі өндіріс көлемі - 1,7 есе, фармацевтикалық индустрияда - 2 есе, жеңіл өнеркәсіпте - 1,6 есе өсті. 

2020-2025 жылдарға арналған ИИД МБ негізгі басымдығы жоғары технологиялы өнімдер экспортының номенклатурасын кеңейтуге бағытталған индустриялық кәсіпкерлікті дамыту, сондай-ақ өндіріске еңбек өнімділігінің өсіміне ықпал ететін цифрлық технологиялар мен инновацияларды енгізу болады. 

Мемлекеттік бағдарламада ішкі нарықты сапалы өніммен қанықтыруға және экспортқа шығаруға бағдарланған өңдеу секторының тиімді кәсіпорындарына баса назар аударылған. Мемлекеттік қолдаудың жеке-жеке құралдарынан дамуды кешенді ынталандыруға көшу, бизенстің қарсы міндеттемелері мен жауапкершіліктерін қабылдау, салалық қағидаттан нақты басымдықты тауарларды анықтауға көшу қарастырылған. 

Бағдарламаны іске асыру өңдеу өнеркәсібіндегі еңбек өнімділігін $56 мың/адамға, экспорт көлемін – $30 млрд-қа, негізгі капиталға ивнестицияларды – 9,3 трлн теңгеге дейін арттыруға мүмкіндік береді. 

Мемлекет басшысы Қ. Тоқаев, Премьер-Министр А. Мамин, Үкімет мүшелері мен «Атамекен» ҰКП басшылығы «Алтын сапа» сыйлығы мен «Парыз», «Altyn Oimaq», «Бизнес  Кемелділік», «Іскер», «Ұлы Дала Елі» байқауларының лауреаттарын жеке марапаттады.  

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды