• Басты
  • Қазақстан бойынша вирус жұқтырған адам саны 27-ге жетті – Д.Ахметшәріп

Қазақстан бойынша вирус жұқтырған адам саны 27-ге жетті – Д.Ахметшәріп

17 Наурыз, 2020 14:23
Елімізде кронавирусқа шалдыққан адамдар саны 27-ге жетті. Бұл туралы Денсаулық сақтау министрлігінің ресми өкілі Диас Ахметшәріп айтты, деп хабарлады Strategy2050.kz тілшісі.

«Қазақстан бойынша науқас 27 адам бар. Жалпы стационарда жатқан адамдардың саны 1665 адам, үй карантинінде оқшауланғандардың саны 1075 адам. Нұр-Сұлтан мен Алматы қалалары бойынша карантин енгізуді әкімшіліктер шешеді. Бүгін сондай мәлімет болады деп ойлаймыз. Мүмкін қаланы да жабатын шығар», - деді ол.

Оның сөзінше, Денсаулық сақтау министрлігінің нұсқауы бойынша, медициналық мекемелердегі жоспарланған қабылдаулар кейінге шегерілмек.

"Санитарлық дәрігердің қаулысына сай барлық медициналық мекемелер карантинге жабылды. Емханалардағы жоспарлы қабылдаулар кейінге шегеріледі. Ал шұғыл түрдегі қабылдаулар жалғаса береді. Мекемеде шешімді өздері қабылдайды. Біз нұсқау бердік. Шұғыл түрде жасалу керек ота сияқтылар уақытымен жасалады. Бірақ апта бұрын терапевт секілді мамандарға жазылғандар бола, оларды қабылдау кейінге шегерілмек", - деді Диас  Ахметшәріп.

Сонымен қатар ол бүгінгі күні 27 адамнан коронавирус инфекциясының анықталғанын тағы бір еске салды. Осы орайда оның сөзінше, астана карантинге жабылуы мүмкін.

"Б" жоспары бойынша қаланы карантинге жабу мәселесін жергілікті басқару органдары мен әкімдіктер шешеді. Нұр-Сұлтан мен Алматы қалалары карантинге жабылуы мүмкін. Бүгін осындай мәліметтер болуы мүмкін", - деді Денсаулық сақтау бақармасының ресми өкілі.

Сондай-ақ ол бүгін Алматы қаласы мен Нұр-Сұлтан қаласы әкімдіктері онлайн брифингке шығатынын, жаңа шешімдер туралы хабардар ететінін айтып өтті.

"Төтенше жағдай жариялануына байланысты төтенше комияссия құрылды. Бүгін олар шешім қабылдайды. Алматы қаласы мен Нұр-Сұлтан қаласы әкімдіктері бүгін онлайн брифингке шығады. Уақыты әзірге анықталып жатыр. Сонымен бірге айта кету керек, шетелде қанша қандас бауырымыз бар, ол елге қайтамыз десе қалай кіргізбейміз? Шетелдіктер онсыз да кіре алмайды. Қандай жағдай болмасын өз азаматтарымызды қабылдауға міндеттіміз", - деді Диас Ахметшәріп.

Назерке Сүйіндік 























Барлық жаңалықтар