• Басты
  • «Қалбатау- Майқапшағай» автомобиль жолында қозғалысты биыл ашу жоспарланып отыр
22 Мамыр, 2020 18:01

«Қалбатау- Майқапшағай» автомобиль жолында қозғалысты биыл ашу жоспарланып отыр

Шығыс Қазақстан облысында ұзындығы 415 шақырымды құрайтын республикалық маңызы бар «Қалбатау – Майқапшағай» жолын қайта жаңарту жұмыстары жалғасуда. Жаңа жол сапарға жұмсалатын уақытты екі есеге қысқартуға, сондай-ақ оның өткізу қабілеті мен өңірдің транзиттік әлеуетін арттыруға мүмкіндік береді. 
«Қалбатау- Майқапшағай» автомобиль жолында қозғалысты биыл ашу жоспарланып отыр

Бүгінгі таңда «China Xinxing Group» жол компаниясы мен «СП «КазГерСтрой» ЖШС 4500 мыңнан астам текше  метр жер қазу жұмыстарын орындады. Сонымен қатар, мұнда 85 су өткізу құбыры, 46 малөткелі салынды. Мұнымен қоса, мамандар 73,8 шақырымда құмды-қиыршық тасты қоспадан жасалған жолдың төсеме қабатын, 48,7 шақырымда жол негізінің төменгі қабатын, 27,8 шақырымда жоғары кеуекті ірі түйіршікті асфальт-бетоннан жасалған жол негізінің жоғарғы қабаты мен 19,5 шақырымда тығыз ірі түйіршікті асфальт-бетоннан жасалған жол жабындысының төменгі қабатын жайластырды. Барлық жұмыстардың сапасын «ЮВПЭК-Астана» ЖШС бақылайды. 

Қайта жаңарту жұмыстарынан өткен соң, нысан 2 жолағы бар ІІ техникалық санаттағы жолға сәйкестендіріледі. Сондай-ақ, жобаға сәйкес мұнда 38 көпір мен жол өткелдері, 345 су өткізу құбыры мен мал өткелдер, сондай-ақ 14 демалыс алаңының құрылысы қарастырылған. Қайта жаңарту жұмыстарына 684 техника мен 1357 адам жұмылдырылды. Жоба 2022 жылы толықтай аяқталады деп күтілуде. 

Айта кету керек, Шығыс Қазақстан облысы арқылы республикалық маңызы бар жолдардың 2807 шақырымы өтеді. Бұл – ел өңірлері арасындағы ең үлкен көрсеткіш. Бүгінгі таңда жолдардың 82,2% жақсы және қанағаттандырарлық жағдайда. 

Еске салайық, автомобиль жолдары саласын дамыту аясында Қазақстанда 2020 жылы республикалық маңызы бар жолдардың 4000-нан астам шақырымы құрылыс және қайта жаңарту жұмыстарымен қамтылса, көлік қозғалысы жолдардың 2600 шақырымында ашылмақ.  



ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды