«Жекешелендірудің екінші толқыны шеңберінде ағымдағы жылы 1 желтоқсандағы жағдай бойынша мемлекеттік меншік объектілерін сату кестесіне сәйкес 203 объекті сатуға қойылып, 100 нысан сатылды. Атап айтқанда, республикалық меншік бойынша 4 объекті, коммуналдық – 43, әлеуметтік кәсіпкерлік корпорациясы – 38 және холдингтер объектісі – 15», - деді М.Әбілқасымова. 

Жалпы бастапқы бағасы 6 061 млн теңге болып, сатылу бағасы 7 387 млн теңгені құрады

Сондай-ақ, вице-министр мемлекеттік меншік құрылымын қайта құру бойынша заң жобасының тұжырымдамасы мақұлданғанын атап өтті.

«Заң жобасы барлық мемлекеттік ұйымдарды екі топқа: мемлекеттік функцияларды іске асыру үшін құрылған мемлекеттік мекемелерге және әлеуметтік маңызы бар қоғамдық функцияларды іске асыру үшін құрылған мемлекеттік кәсіпорындарға бөлуді көздейді», - деп қосты ол.

Индира Қауметова