Ресей Федерациясы Үкіметінің жанындағы Талдау орталығының өкілдері Елбасы Кітапханасында болды, Астанаға делегация "Жобалық Олимп" байқауы іс-шараларының бірін өткізу үшін келді. 

Келген қонақтар үшін экскурсия жүргізілді.

РФ Үкіметінің жанындағы Талдау орталығы басшысының кеңесшісі, делегация басшысы Павел Шестопалов алған әсерімен бөлісті. 

«Кеше біз ҚР Бас прокуратурасында жобалық басқарма енгізу барысымен таныстық, Қазақстандық мемлекеттік-жеке меншік әріптестік орталығында болдық және өзінің сәулетімен ғана емес, сонымен қатар көрмелерімен, экспонаттарымен де таң қалдыратын бірегей орталық Президент Кітапханасына келіп отырғанымызға өте қуаныштымыз. Бұл қазақстанның тәуелсіз мемлекет ретінде бүгінгі күнге дейін жасаған барлық жолын көрсетеді », - деді қонақ.

Ұйымдастырушылардың айтуынша, бұл байқауды РФ Үкіметінің жанындағы Талдау орталығы 2014 жылдан бастап өткізіп келеді. Оның мақсаттары өз қызметінде жобалық басқарудың тиімді құралдарын белсенді енгізетін кез келген деңгейдегі мемлекеттік сектор ұйымдарына қолдау көрсету; осы саладағы үздік ұлттық практикаларды анықтап, танымал ету; жобалық және бағдарламалық-нысаналы басқару мүмкіндіктерін пайдалану есебінен мемлекеттік билік органдары мен мемлекеттік сектор ұйымдары қызметінің тиімділігін арттыру үшін жағдайлар жасау. 

Қазақстандық ұлттық компаниялар мен мемлекеттік мекемелер осы байқауға өткен жылдан бастап қатысуда.