«Осыған орай, қазіргі таңда Иран елінің нарығына мал шаруашылығы өнімдерін экспорттау жұмыстары жалғасуда. Жыл басынан бері елімізден 118,4 тонна тірі қой, 132,2 тонна қой еті осы мемлекетке экспортталып отыр», - деп хабарлады ведомстводан.

Соның бірі Батыс Қазақстан облысындағы «Кублей» ЖШС мен Ирандық компаниялар арасындағы келісім шарт аясында жыл соңына дейін Иранға 200 тонна қой етін жеткізуді жоспарлаған. Жыл басынан Батыс Қазақстан облысынан Иран мемлекетіне 80 тонна қой еті экспортталған.

Барлық атқарылып жатқан жұмыстар екі елдің Ауыл шаруашылығы министрлігінің бақылауымен жүзеге асып отыр.