«Азаматтық бастамаларды қолдау орталығы»  басқарма төрағасының орынбасары  аталмыш байқау қалай өткендігі туралы айтып өткен болатын.

«Биылғы жылы үш байқау өтті, грант саны  57-ні құрады. 57 әлеуметтік  жобаға  615 млн-нан астам теңге бөлінді. Грантқа ие болған  Ақмола облысының «Әйел шуағы» қоғамдық ұйымы. Грант  10 млн теңгені құрады», - деді Гүлнар Ұралова.

Жоба аясында  144 өтініш берілді, оның ішінде байқау комиссиясы  30 үздік жобаны іріктеп алды, оның ішінде  7-уі  500-ден  700 мың теңгеге дейін қаржылық қолдауға ие болды.

«Аталмыш жобалар  ауылдық мазмұнды, тауық, қоян өсіру бағытына арналған. Байқауға қажеттілігі жоғары жандар да қатысты. Аталмыш жобалардың әртүрлі болуын қадағаладық», - деді ол.

Байқау жеңімпаздарының бизнес жобалары  келесі салаларға бағытталған:

-Ақтөбе облысы – «Қоян өсіру және көбейту» жобасы

- Алматы облысы  - «Планшеттік, қолғап қуыршықтарын әзірлеу шеберханасы»

- Батыс Қазақстан  облысы – «Қаз бен тауық өсіру бойынша шағын құс фермасын ашу»

- Қостанай облысы  - «Құрылыс және әрлеу материалдарын мобильді өңдеу» жобасы

- Маңғыстау облысы  - «Қонақ үй қызметтерін ұсынатын табиғи кешенді абаттандыру және жөндеу»

- Маңғыстау облысы  - «Мақта матадан тігілген - таза өнім» жобасы

- Павлодар облысы - «Автомастерская «LONG» жобасы.

«Жобаның басты мақсаты – еңбекпен қамту.  Әр бизнес жоба аясында адамдарды жұмыспен қамту шарты тұрады. Гранттың сомасы – 500-700 мың, жеңімпаздар үлкен бизнеске алғашқы қадам жасайды», - деді ол.

Ақбота Күзекбай

Фото: автор