СҚО әкімдігі хабарлағандай,  Солтүстiк Қазақстан облысының әкiмi Құмар Ақсақалов жұмыс сапарымен Айыртау және Ғ.Мүсiрепов атындағы аудандарда болды.

Жоспарланбаған бағыт барысында Ғ.Мүсiрепов атындағы ауданның Червонное ауылына ең бiрiншi ат басын тiредi. Мұнда «Червонное-Агро» агроқұрылымы картоп, қырыққабат, сарымсақ және жасыл бұрыш өсiрумен айналысады.

 «Ауыл шаруашылығы өнiмiнiң жалпы өнiмi 6,5% өсiммен 4,5 млрд. теңгенi құрады және облыс бойынша үшiншi орын алады. Ауданда еңбек өнiмдiлiгiне көп көңiл бөлiнедi. Бiзде көп резерв бар. Соңғы кезде ауыл шаруашылығына инвестицияның өскенi байқалады. Өнiм көлемiн арттыру үшiн алқаптарды әртараптандыру жүргiзiлуде»,- дедi аудан әкiмi Владимир Дудов.

Содан кейiн Ауыл шаруашылығы басқармасының басшысы Қайрат Омаров пен Жұмыспен қамтуды үйлестiру және әлеуметтiк бағдарламалар басшысы Сергей Яковенко баяндама жасады.

Қайрат Омаров ауданда сүт өндiру өскендiгiн атап айтты.

«Жартыжылдықта сүт өндiру 6% өсiммен 20,2 мың тонна болды. Соған қарамастан өсiм резервi бар. Өткен жылдың сәйкес мерзiмiмен салыстырғанда өсiм 13,2%-ды құрады. Iрi қара мал саны 41,8 мың. 300 шаруашылықтың 56-сы ғана мал шаруашылығымен айналысады. Жер телiмдерi көп үлкен шаруашылықтар бар, бiрақ олар мал шаруашылығымен айналыспайды», - деді Қайрат Омаров.

Қайрат Омаровтың айтуынша, 300 агроқұрылымның 20-сы ғана минералды тыңайтқыш сiңiрумен айналысуда