«Президенттің Ұлытау баурайында берген сұхбаты өзінің форматы мен мазмұны жағынан терең мәнге ие. Ол бүгінгі қазақстандықтардың көкейіндегі барлық мәселелерді қамтиды. Мемлекет басшысы солардың барлығына ойға  қонымды жауап беріп,ата-бабаның бізге қалдырған мұрасы мен бүгінгі қазақстандықтардың келер ұрпаққа нендей мирас қалдыратыны туралы аталы сөзін айтты», - дейді ҚР Президенті жанындағы Мемлекеттік басқару академиясының ұлтаралық және дінаралық қатынастарды зерттеу орталығының жетекшісі.

Оның айтуынша, Қазақстан жері тарихқа бай. Бұл жер бір кездегі аты төрткүл дүнеиге танылған көк түріктің ұрпағы қазақтың жері.

«Қазақстан аумағындағы мемлекеттілік сонау түркілерден бастау алып,  1991 жылы Қазақстанның тәуелсіздік алуымен ол жаңа деңгейге көтерілді. Осыдан бастап Қазақстан Республикасы даму жолына түсті. Президент елдің өткені жайлы толғанып, бүгінгі күнге барып, болашақ даму бағытымыз туралы ойын айтты», - дейді А.Садуақасова.

Сонымен қатар, Орталық жетекшісінің айтуынша, қазақ халқы ежелден бері басқа түскен ауыртпалықтың бәрін еңсеріп, бүгінде ең құнды деген байлықтарын бүгінгі күнге дейін сақтап келді.