Салютті алғаш рет қаланың үш орнынан ату жоспарланып отыр. Біріншісі  Есіл өзенінде Астаналық паркке қарсы, екіншісі - Хан Шатырға қарсы және үшіншісі «Қазақстан» СК кешеніне қарсы жерде орналаспақ, деп қала әкімдігінің ресми порталы хабарлады.

Биыл пиротехникалық шоу бәрінің де көңілінен шығады. Оның бір ерекшелігі - судағы арнайы эффектілер.

 «Қазақстан Салют» компаниясының президенті Вадим Гостевтің айтуынша, мерекелік салют атуды ұйымдастыруға 20 жуық кәсіби пиротехник тартылды. Жалпы, 5 мың пиротехникалық снаряд қолданылмақ. Салюттың ұзақтығы 5-20 минут.