Еріктілер қалаға тұңғыш рет келген қонақтарға билет сатып алу, көрмеге жету, қонақүйлер таңдау, такси шақыру  туралы анықтамалар беріп, жол көрсетеді. ЭКСПО халықаралық көрмесі кезінде «Нұрлы жол» теміржол вокзалында және Астана халықаралық әуежайда қызмет көрсетуге де еріктілер тартылатын болады.

Еріктілер 10 адамнан топталып, екі ауысымда 6 сағаттан,  таңғы 8:00 ден 20:00 сағатқа дейін қызмет етеді.

Еріктілердің  жолаушылар мен қала қонақтарына барынша мәдениетті қызмет көрсететін болады. Сондықтан да олар арнайы нұсқаулықтар бойынша біліктіліктерін көтеріп, шеберліктерін шыңдады. Сонымен қатар тіл үйренді.