«Бүкіләлемдік валюта қорының болжамына сай, 2014 жылы әлемдік экономика 3,4 пайызға көтеріледі. Екі жыл құлдыраудан кейін Еуроаймақта алғаш рет 1,1 пайыз өсім байқалып отыр. 2015 жылы әлемдік экономика өсімі 3,9 пайыз деңгейінде болады деп күтілуде. Одан кейінгі 2015-2019 жылдары дамыған елдердің дағдарысты жағдайларының ұзақтығы мен елдердің дамуында жинақталған құрылымдық тепе-теңсіздікті жою бойынша олардың қолға алып жатқан шаралардың тиімділігіне байланысты болады», - дейді министр.

Оның айтуынша, экономика мемлекеттік қаражат пен жеке меншік қаражаты есебінен индустриялды және инфрақұрылымдық жобаларға салынып жатқан инвестицияға қарай ыңғайланатын болады. Сонымен қатар, ведомствоның хабарлауынша, ЖІӨ нақты өсімі 5,0-6,8% деңгейінде болады деп күтілуде. Болжам бойынша номиналды ЖІӨ 2015 жылы 45 трлн теңгені құрап, 2019 жылы 72,8 трлн теңгеге дейін артпақ.

«Ішкі сұраныс өсімі болжам бойынша орташа есеппен 6,4 пайыз деңгейінде 2015-2019 жылдары үй шаруасы тұтынуының тұрақты өсімімен анықталатын болады. Осы уақыт аралығында үй шаруасының тұтыну үлесі 2015 ЖІӨ өсімінің 52,6%-ын, 2019 жылы 59,1%-ын құрамақ», - дейді Е.Досаев.

Айта кету керек, биылғы жылдың 7 айында Қазақстанның сыртқы сауда айналымы 7,7 пайызға төмендеді. Тауар экспорты 3,6%, импорт 15,3%-ға азайды.

Камила Амирова