«Тәуелсіздік – сан буын бабалардың қасиетті жерімізді қорғау үшін төгілген өлшеусіз қан мен терінің нәтижесі, арман-мұраты ақиқатқа айналған аса қасиетті асыл мұрамыз. Оны сақтап, келесі ұрпаққа аман-есен табыстау – бүгінгі жас мамандардың басты міндеті», - деді Д.Байкенов.

«Біз – ешкімге тәуелді емес, өз билігі өзінің қолына көшіп, жолымызды өзі анықтайтын бақытты ұрпақпыз. Еліміздің баянды болашағы үшін аянбай еңбек етуіміз қажет. Елбасының Тәуелсіздік күніне арналған жиында сөйлеген: «Тәуелсіздік дегеніміз – жалпыға ортақ еңбек. Ғылым қуып, білім іздеген оқушылар мен студенттердің еңбегі. Еліміздің ұлттық байлығын еселей түсетін барша мамандық иелерінің еңбегі. Әрбір жас буынның жүрегіне Отанға деген шексіз сүйіспеншілік дарытатын қазақстандықтардың еңбегі» деген сөздері осының куәсі болса керек», - деді ол.

Ол атап өткендей, «бұл сөздер біздің бәрімізге, әсіресе, бүгінгі ұрпаққа, жастарға арнап айтылғандай. Сондықтан еліміздің дамуына, егемендігіміздің нығаюына бағытталған мемлекет басшылығының саясатын жүзеге асыру ең алдымен жас мамандардың басты міндетіне айналуы тиіс деп ойлаймын».