«Қазақстан қазір әлемге таныла бастады. Қазақ елі өткен жиырма үш жылда қыруар іс тындырды. Әсем Астана салды, халық саны жылдан-жылға көбеюде. Қысқасы, біз үлгілі дамудың өзіндік моделін қалыптастырдық. Бүгінгі ұрпақ ертеңгі күнге сеніммен қарайды.Биылғы Жолдаудың әрбір сөзі, әрбір сөйлемі, алдағы мақсат-міндеттерімізді айқындап, елдік мұрағаттарға жауап береді», - деді Аймағамбетов.

Орта және шағын бизнесті дамыту, білім, ғылым, денсаулық сақтау саласын ілгері дамыту – ел болашағының кепілі.

«Қазақстан дамуында агроөнеркәсіп саласының алатын орны ерекше. Ұлан-ғайыр даламызда ауылшаруашылығын өркендетуге барлық мүмкіндік бар. Қазіргі таңда біз мүмкіндіктерді тиімді пайдалана отырып, бұл жөнінен әлемдегі озық елдердің қатарына қосылуға әбден болады», - деді ол.

Оның пікірінше, осы мақсатта Елбасымыз Нұрсұлтан Назарбаев айрықша қамқорлық көрсетіп, елдегі шаруаларды қолдап келеді. Жыл сайынғы халыққа арнаған Жолдауында аталмыш мәселелерге тоқталып, сол бағытта жасалатын жұмыстар барысын нақтылап береді. Ендігі біздің алдағы міндетіміз Елбасының жолдауына-қолдау көрсету.