Бүгінде Ақжайық ауданының 42 280  халқы бар 52 елді мекенінің 33-і (38 701 тұрғын) табиғи газбен қамтамасыз етілген. Сонымен қатар, 11 елді мекенді (Жаңажол, Тегісжол, Жамбыл, Бітік, Үштөбе, Сарман, Бітілеу, Тоған, Қарағай, Ақбұлақ, Есім) табиғи газбен қамтамасыз ету бойынша қарқынды жұмыстар жүргізілуде. Газ тарту жұмыстарына 550,754 млн теңге қажет.

Әкімдіктен атап өткендей, 2017 жылы бюджеттен 199,758 млн теңге бөлінді. Жұмыстар аяқталғаннан кейін, аудандағы елді мекендердің 98,3%  табиғи газбен қамтамасыз етілетін болады.

Айта кетерлік жайт, бүгінде өндірістік өнім көлемі 257,7 млн теңгені құрады.  Ал, 2017 жылдың алғашқы үш айында ауыл шаруашылығының жалпы өнімі 1125,3 млн теңге болды. Тұрақты даму ауданның ауыл шаруашылығы саласында да тіркелген.

Ағымдағы жылы негізгі капиталға инвестиция көлемі 80,3 млн теңгені көрсетті. Ал, бөлшек тауарайналымы 2135,4 млн теңгеге жетті.  

Ауданның әлеуметтік саласында да жақсы көрсеткіштерге байқалады. Ағымдағы жылы 75  жұмыс орны құрылып, 225 адам жұмысқа орналастырылды. Сондай-ақ 216 ауыл тұрғыны жұмыссыз.