«Құрметті отандастар, қадірлі қазақстандықтар бүгін барлық ел бойынша менің Жарлығыммен жарияланған Қазақстан халқы Ассамблеясының жылы ашылды. Осы жылды біз ең басты құндылықтар – еркіндік, бірлік, бейбітшілік пен халықтың келісіміне арнаймыз.20 жыл бұрын, 1995 жылдың 1 наурызында Қазақстан халқы Ассамблеясының  құрылуы туралы Жарлық шықты. Ол біздің қоғамдағы бірлік пен бейбітшілікті сақтайтын бірегей интститут», - деді Елбасы.

«Осы уақыт ішінде Ассамблея шын мәнінде жалпыхалықтық, жалпыазаматтық органға айналып конституциялық мәртебеге ие болды. Бүгін Қзақстан халқы Ассамблеясы  - жалпыхалықтық өкілдіктің институты, азаматтық қоғамның  белсенді тобы», - деді Н.Назарбаев.

Айта кетейік, бүгін Қазақстан халқы Ассамблеясы жылының ресми ашылуы елдің барлық аймақтырында өтті.

Камила Амирова