Еске салсақ, деректі кино күндері 1 желтоқсанда «Қазақстан жолы: Тәуелсіздік хроникасы» циклінен режиссер Рашид Сүлейменовтың «Елбасы» және «Ұлт көшбасшысы» екі деректі фильмінен басталды. 

«Қазақстан жолы: Тәуелсіздік хроникасы» көптоптамалы деректі фильмінде ел тарихындағы ең жарқын сәттерге талдау жасалады, Қазақстан Республикасы Тұңғыш Президентінің ел өмірінденгі барлық саланың қайта құрылуындағы рөлін, сондай-ақ мемлекет басшысының әлемдік деңгейдегі жаһандық жобалардың бастамашысы ретіндегі еңбегін әңгімелейді. 

Сонымен қатар, шара аясында Қазақстанның еңбек сіңірген қайраткерлерінің өмірі мен шығармашылығына арналған соңғы жылдары түсірілген деректі кинолар да көрсетіледі. Атап айтсақ,   «Шәкен Айманов: адам және аңыз» (режиссері Б. Нүсімбеков), «Мырзатай Жолдасбеков» (режиссері Ж. Жетіруов), «Нұрлан Оразалин» (режиссері Д.Саламат).