Дархан Ахмед-Закидің ақпараты бойынша, ЖОО ауыстыру мекемені басқаруда дербес болатынын, білім беру бағдарламаларын нарық сұратуларына бейімдейтінін және осылайша, нарық үшін анағұрлым бәсекеге қабілетті жұмыскерлерді шығаратынын болжайды.

«Болашақта ИИДМБ базалық ЖОО-ларға даму бағдарламалары негізінде академиялық және басқарушылық дербестік беру жоспарлануда. Мемлекеттік және ұлттық ЖОО-ларды жаңа ұйымдық-құқықтық нысан - 100% мемлекеттің қатысуымен коммерциялық емес акционерлік қоғам етіп ауыстыру көзделеді. Жеке меншік ЖОО-ларды коммерциялық емес білім беру ұйымдарына ауыстыру бойынша шаралар қабылданады», - деп атап өтті Д. Ахмед-Заки.

Оның айтуы бойынша, бүгінгі күні түлектер оларға барлық еңбек өмірінде жалдау бойынша жұмыс істеу үшін жаңа дағдыларын дамытуға мүмкіндік беретін, нарықта барынша бәсекеге қабілетті біліктіліктерді меңгеруі тиіс.

«Студенттерді академиялық қоғамдастықтың толыққанды мүшелері ретінде білім беру бағдарламаларын әзірлеуге және сапаны қамтамасыз етуге тарту маңызды. Студент өзінің жеке білім алу жолын айқындау кезінде «Major» немесе «Мinor» қағидаты бойынша оның таңдаған мамандығымен тікелей байланысты пәндерді де және мамандығымен байланысты емес қосымша пәндерді де таңдай алады», - деді ол.