«Жарыстарға барлығы 11 құрама қатысты. Екі негізгі бағыт бойынша өткен жарыстарда қатысушылар шабуыл баспалдағымен көтерілу және кедергілері бар 100 метрлік аралықты бағындыру. Ортақ командалық есепте орындар келесі түрде белгіленді: 1 орынды – 16-МӨСБ, екінші орынды – 9-ӨСБ, үшінші орынды – 5-МӨСБ-нің құтқарушылары еншіледі. Астаналық құтқарушылар екі сайыстан да жақсы нәтижелер көрсете білді», - делінген хабарламада.

Қазақстанда Құтқарушылар күні қазанның 19-ы күні атап өтіледі. Өрт-құтқару спорты бойынша жарыстар аталмыш мерекеге орай және Департамент қызметкерлерін дене шынықтыруға, салауатты өмір салтын насихаттауға шақыру мақсатында өткізілген болатын. Спорт, астаналық құтқарушылардың күнделікті өмірінде ерекше орын алады.