«Десантшылар секіру нормативтерін орындай отырып, жыл сайын олардың санын 500-600-ге арттырып, суға секіруге, соның ішінде түнгі жағдайда секіруге машықтану деңгейін жетілдіріп келеді. Үздік әскери қызметшілер Аэроұтқыр әскерлерінің біріккен парашюттік ротасы мен шабуыл тобының құрамына енді», - делінген хабарламада.

Десантшылар өз мүмкіндіктерін Спасск полигонындағы (Қарағанды облысы) «Өзара іс-қимыл-2014», «Чжужихе» полигонындағы (ҚХР) «Бейбіт миссия-2014» оқу-жаттығулары барысында, сондай-ақ ҚР Ішкі істер министрлігі мен Ұлттық қауіпсіздік комитеті арнайы бөлімшелерімен бірлескен жиындық іс-шараларда табысты көрсете білді.