Мемлекет басшысының Қазақстан халқына «Қазақстан-2050» Стратегиясы: Қалыптасқан мемлекеттің жаңа саяси бағыты» Жолдауын іске асыру аясында ҚР құқық қорғау органдары мен соттарды реформалау мәселесі талқыланды.

Отырыс жұмысына Сенат депутаттары, Ақтөбе облысының  әкімі Архимед Мұхамбетов, сот жүйесі мен құқық қорғау органдарының  өкілдері қатысты.

Серік Ақылбай отырыс қатысушыларына «Қазақстан-2050» Стратегиясының басым бағыттарының бірі құқық қорғау жүйесін жаңғырту бойынша арнайы бағдарлама негізінде құқық қорғау органдарын реформалау туралы айтты.  

«Биыл Қылмыстық, Қылмыстық-процессуалды, Қылмыстық-атқару кодекстері мен Әкімшілік құқық бұзушылық  туралы кодекс қабылданды. Қазіргі таңда Сенатта «Сот жүйесі және Қазақстан Республикасы қазыларының мәрбетесі туралы» конституциялық заңға өзгерістер мен толықтырулар енгізу туралы» заң жобасы қаралып жатыр», - дейді сенатор.

Отырыс барысында қабылданған ұйымдастыру, техникалық, кадрлық және құқықтық шараларға қатысты аталмыш кодекстерді тәжірибелік пайдалануға бағытталған нақтылықты қамтамасыз ететін жаңа кодекстердің күшіне енуіне мүмкіндік беретін жұмыстарды ұйымдастыру туралы шешім қабылданды.