Аталып өткендей, бұл сессияда  МАА қызметіндегі ұйымдық мәселелер, өзекті проблемалар талқыланды, сессия төрағасын сайлау жүргізілді. Әртүрлі елдердің сыбайлас жемқорлыққа қарсы тұру тәжірибесімен алмасу болды. Сөз сөйлеген әртүрлі  ел өкілдері өз елдеріндегі жетістіктер мен осы қызметті ұйымдастырудағы проблемаларға тоқталып өтті.    

«Сессиядағы өз сөзінде Б.С. Абдрасилов Қазақстанның сыбайлас жемқорлыққа қарсы күрес тәжірибесімен таныстырды, құқық қорғау жүйесін жетілдіру бойынша жүргізілген  реформалар  және сыбайлас жемқорлыққа қарсы жаңа органның - ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің құрылуы туралы айтып берді. Ассамблея қатысушылары  Қазақстанда құрылған Агенттіктің қызметіндегі түпкілікті жаңа тәсілдер туралы хабардар болды, оның негізгі міндеттерінің  бірі  -  сыбайлас жемқорлықтың алдын алу, сыбайлас жемқорлыққа қарсы кеңінен үгіт-насихат жүргізу және тұрғындармен, БАҚ-пен, бизнес және үкіметтік емес сектормен белсенді қарым-қатынас жасау болып табылады»,-делінген хабарламада. 

Сонымен қатар МАА-ның тиісті мемлекеттік органдармен және ҚР Президентінің жанындағы Мемлекеттік басқару академиясымен  арадағы ынтымақтастығын одан әрі нығайту жөнінде ұсыныстар енгізілді.  

 Айта кетерлік жайт, Ассамблеяның жұмысы барысында Әзірбайжан Республикасының Бас прокуроры  Закир Гаралов, Румынияның Әділет министрлігінің Мемлекеттік хатшысы Симона-Майей Теодоройу, Сыбайлас жемқорлыққа қарсы күрес жөніндегі мемлекеттер тобы халықаралық ұйымының президенті  (GRECO) Марин Мрселамен сыбайлас жемқорлыққа қарсы іс-қимыл мәселелері бойынша ынтымақтастықты дамыту туралы келіссөздер жүргізілді.