17.04.2017

«Бұл мәселе өскелең ұрпаққа қатысты. Халық ішінде «Бүгінгі сәби – ертең халық» деген сөз бар. Меніңше, жастар қауымы Елбасының әрбір тапсырмасын тереңінен түсінуі керек», - деді З.Тұрысбеков.
Ол айтып өткендей, Президенттің идеяларына міндетті түрде назар аударып, ұғыну керек.
«Білім беру жалпыға бірдей болу керек. Білім – болашақтағы табыстың ең негізгі факторы. Жастар басымдығының ең алдында білім беру болуы керек. Компьютерлік сауаттылық, шет тілдерін білу, мәдени ашықтық – жаһандық заманда өмір сүру жағдайы. Шынайы мақсаттарға қол жеткізу, білімге ден қойып, салауатты өмір салтын ұстану, кәсіби табыс – прагматизм болып табылады», - деді З.Тұрысбеков.
Ол айтып өткендей, бүгінде табысқа жеке тұлға емес, бәсекеге қабілетті біртұтас ұлт ретінде жете алады.
«Біздің ұлттық салт-дәсүр мен әдет-ғұрып, әдебиет пен той салты - ұлттық рух, әрқашан бізбен бірге болуы керек», - деді ол.
Қайрат Жандыбаев