««Шәкен Айманов» ескерткіш монетасының бет жағында (аверсінде) орталық бөлігінде ою-өрнек аясында Қазақстан Республикасының елтаңбасы бейнеленген. Сол және оң жақ бөлігінде ұлттық ою-өрнек элементі жалтыратып салынған», - делінген хабарламада.

Монета 925 сынамды күмістен жасалған, массасы – 24 грамм, диаметрі – 37 мм, дайындау сапасы – «proof», таралымы – 3 мың дана. Қазақ кинематографын Шәкен Айманов есімінсіз елестету мүмкін емес.

Сондай-ақ, Ұлттық банк «Тайқазан», «Amir Timur», «Боран», «8 наурыз» және  «Баскетбол. Олимпиадалық ойындар-2016» ескерткіш монеталарын шығарды.