«Бүгінде кезек бойынша Бауырластар-3, Думан, Жаңақоныс-2 тұрғын алаптарынан  5 273 жер телімі бөлінді. Жер телімдерін бөлу жұмысы жыл соңына дейін жүргізілмек. 2018, 2019, 2020 жылдары жеке тұрғын үй құрылысы үшін 28 мың жер телімін бөлу жоспарланып отыр»,-деп жеткізді қала басшысы.

Жеке тұрғын үй құрылысы үшін анықталған тұрғын үй алаптарын инженерлік инфрақұрылым нысандарымен қамтамасыз ету жұмыстары жалғасуда. Он айдың қорытындысы бойынша су-газ-электрмен жабдықтау және кәріз желілерінің 16 нысаны пайдалануға берілді, төрт ағын стансасының құрылысын аяқтау жоспарланған.