«Степнагорскқа 2015 жылы республикалық және облыстық бюджеттен жіберілген мақсатты трансферттердің жалпы көлемі 3 425 938 мың теңгені құрады. Сондай-ақ, сумен қамтамасыз ету жүйесін қайта құру және 2015 жылдың екінші жарты жылдығынан бастап оқытушылар мен  мемлекеттік қызметкерлердің жалақысын көтеру мақсатында да трансферттер бөлінді», - делінген хабарламада.

Сонымен, Степногорск қаласының құрылыс бөліміне Бестөбе ауылының сумен қамтамасыз ету жүйесін жағырту үшін 388 423 мың теңге бағытталды. Ал, Степнагорск қаласының ішіндегі сумен қамтамасыз ету, суды бұру, ауызсу құбыры желісін жөндеуден өткізу үшін 500 000 мың теңге бөлінді.  7-ші шағын аудандағы балабақшаның құрылысын тәмәмдауға қалаға 314 557 мың теңге берілді. Санаттар бойынша кейбір азаматтарға үй алу үшін 150 000 мың теңге бағыттау және жас отбасыларға баспана салу үшін  265 862 мың теңге бөлу жоспарлануда.

«Ақмола Медиа Орталығынан» атап өткендей, Степногорск қаласының білім бөліміне мақсатты трансферттер мемлекеттік мектепке дейінгі білім беру тапсырысын орындау үшін 102 554 мың теңге көлемінде бөлінді. Өз біліктілігін арттырған оқытушылардың жалақысын көтеруге 67 440 мың теңге бағыттау жоспарлануда. Бала күтімі үшін немесе патронатты тәрбиешілерге берілген балалардың күтімі үшін 11 861 мың теңге шығын ретінде қарастырылып отыр. Сонымен қатар моноқалаларды дамыту мақсатында 77 025 мың теңгені бөлу көзделуде.