«Соңғы 5 жыл ішінде Алматыда 68 жер үсті және жер асты жаяу жүргіншілер өткелі салынды, келесі жылы тағы 40 өткел салынбақ, біз 3 жыл бойы  жүзеге асырып отырған жаяу жүргіншілер  бағдарламасы аяқталады», - деді ол. Әкім атап өткендей, соңғы 5 жыл ішінде 14 көліктік шешу, 5 көше өткелі, 165 км жаңа жол төселіп, 1300 жөндеуден өтті.

Сондай-ақ, Есімов 1 желтоқсан күні алматы метросының ашылғанына 3 жыл өткенін айтып өтті.

«3 жыл ішінде метро олқылықсыз жұмыс істеді. Қазір тәулік сайын 23 мың жолаушы тасымалданады. Ашылған күндері адам саны 12-13 мың болатын. Күні кеше 20 млн жолаушыны тасымалдаған болатынбыз», - деді әкім.

Сондай-ақ, оның айтуынша, 2015 жылдан бастап дайындалған 2 станция сынақтан өтетін болады.

 «1 желтоқсан күні жаныма арнайы мамандарды ертіп алып, осы екі станцияны араладым. 2015 жылдың басында тағы арнайы сынақ өткізіген соң олар жолаушылар тасымалдай алады», - дейді әкім. 

Индира Кауметова